Valideyninin maşınını sürən yeniyetmə dostları ilə birgə ağır qəza törətdi

Şahbuz rayonunda ağır yol-nəqliyyat hadisəsi baş verib. Hadisə rayonun Külüs kəndi ərazisində qeydə alınıb.

“Mercedes” markalı avtomobilin aşması nəticəsində dörd nəfər kənd sakini – 17 yaşlı Cəfərli Vurğun Elgün oğlu, 16 yaşlı Vəliyev Yaqub Xəyal oğlu, 16 yaşlı Quliyev Sinan Məzahir oğlu və 13 yaşlı Məmmədov Barat Qənimət oğlu xəsarət alıblar. Onlar Naxçıvan Mərkəzi Xəstəxanasına yerləşdiriliblər.

İlkin məlumata görə, uşaqlardan biri maşını valideynlərindən icazəsiz götürərək sürüb və bu zaman qəza törədib.

Faktla bağlı araşdırma aparılır.