Hadisə
Pleyeri seçin:
Sakinlərə dəhşət yaşadan sel | FHN Hacıqabuldan görüntülər yaydı
Hacıqabulda subasmaya məruz qalan bir sıra ərazilər təmizlənib, 11 nəfər təxliyə edilib.
Bu barədə Fövqəladə Hallar Nazirliyindən məlumat verilib.
Bildirilib ki, intensiv yağışlar nəticəsində Hacıqabul şəhərinin subasmaya məruz qalan ərazilərində zəruri təhlükəsizlik tədbirlərinin görülməsi üçün Nazirliyin qüvvələri cəlb olunub.
Məlumata görə, oktyabrın 12-dən başlayan əməliyyat gecə saatlarında da fasiləsiz olaraq davam etdirilib, bir sıra ünvanlarda suyun çəkilərək kənarlaşdırılması təmin olunub.
Həmçinin Nazirliyin qüvvələri tərəfindən köməyə ehtiyacı olan 3-ü uşaq olmaqla ümumilikdə 11 nəfər, o cümlədən tibbi yardıma ehtiyacı olan 1 nəfər təxliyə olunub.
Hazırda Nazirliyin Mülki müdafiə qoşunları və Muğan Regional Mərkəzinin qüvvələrinin cəlb olunduğu əməliyyat davam etdirilir.
Kopyalandı
Seçilmişlər
