Səfərbərlik Xidmətinin idarə rəisi həbs edildi | Detallar açıqlandı

Səfərbərlik və Hərbi Xidmətə Çağırış üzrə Dövlət Xidmətinin Xəzər Rayon İdarəsinin rəisi Ramin Şükürov həbs edilib.

Sabiq idarə rəisi korrupsiya cinayətlərində təqsirləndirilir.

Qeyd edək ki, Ramin Şükürov bir müddət əvvəl Baş prokuror yanında Korrupsiyaya qarşı Mübarizə Baş İdarəsi tərəfindən saxlanılıb. Əməliyyat-istintaq tədbirləri ilə Ramin Şükürovun 2025-ci ilin yanvar-fevral aylarında Xalid Əzimov və Emil Nəbiyev ilə qabaqcadan əlbir olub hərbi qeydiyyata alınma prosesinin sürətləndirilməsi məqsədilə ona müraciət edən vətəndaşa hərbi bilet əvəzi arayış verilməsi müqabilində sonuncudan qanunsuz olaraq 8 min manat məbləğində pul vəsaitini tələb etməsi üzə çıxıb.

Həmin məbləğin 2 min manat hissəsini rüşvət qismində almalarına əsaslı şübhələr müəyyən edilib.

Bakı Hərbi Məhkəməsinin qərarı ilə ilkin istintaq müddətində Ramin Şükürov üç aylıq həbs edilib.