Şəhərə qonaq gələn ana-balanın dəhşətə gətirən ölümü | Qonşu danışdı

Şirvanda ana və azyaşlı qızı yaşayış binasından düşərək ölüb. Hadisə şəhərin Energetika-3 ünvanında qeydə alınıb.

İlkin məlumata görə, həmin ünvana qonaq gələn Sabirabadın Qaratuğay kənd sakini 33 yaşlı Aygün Kərimova və onun azyaşlı qızı 5 yaşlı Zəhra Kərimova yaşayış binasının beşinci mərtəbəsindən düşərək ölüblər.

Hadisə yerinə hüquq-mühafizə orqanlarının əməkdaşları cəlb olunub.

Əraziyə baxış keçirildikdən sonra hər iki meyit müayinə olunmaq üçün Məhkəmə-Tibbi Ekspertiza və Pataloji Anatomiya Birliyinin Şirvan şəhər şöbəsinə aparılıb.

Qonşu hadisə barəsində Baku TV-yə danışıb: “Bazara getmişdim. Hadisəni evə qayıdanda eşitdim. Dedilər ki, uşaq kondisionerin üstünə düşüb. Ana əlini uzadıb ki, uşağı tutsun, özü də onun arxasınca yerə düşüb”.

Hadisənin əsl səbəbi isə məhkəmə-tibbi ekspertizanın rəyindən sonra məlum olacaq.

Faktla bağlı araşdırma aparılır.