Şəmkirdə 4 bal gücündə yeraltı təkan qeydə alınıb

Şəmkirdə zəlzələ baş verib.

Respublika Seysmoloji Xidmət Mərkəzindən bildirilib ki, yeraltı təkan yerli vaxtla saat 12:27-də Gədəbəy stansiyasından 37 km şimal-şərqdə, Şəmkir rayonunda qeydə alınıb. Zəlzələnin maqnitudası 4 bal, dərinliyi 9 kilometr olub.

Şəmkir sakini Rəna İsmayılova zəlzələni partlayış səsinə bənzətiyini deyib: “Evin bütün mebelləri, divarları silkələndi. Çox qorxduq. Eyvana çıxdım. Qonşuların hamısı eyvanda idi, daha sonra həyətə düşüb, bir müddət sonra yenə evimizə çıxdıq”.