Şəmkirdə evləri su basdı: xilasetmə işləri davam edir

İyunun 3-ü gecə saatlarından başlayaraq Şəmkirdə müşahidə olunan qeyri-sabit hava şəraiti və intensiv yağışların yaratdığı subasma ilə bağlı Fövqəladə Hallar Nazirliyinə çoxsaylı məlumatlar daxil olub.

Bununla əlaqədar Nazirliyin Gəncə Regional Mərkəzi və Dövlət Yanğından Mühafizə Xidmətinin qüvvələri dərhal yağıntıların törətdiyi fəsadların aradan qaldırılması işlərinə cəlb olunub.

Hazırda Şəmkir şəhəri və rayonun Zəyəm qəsəbəsində su basmış yaşayış evləri və digər ərazilərdən suyun çəkilərək kənarlaşdırılması işləri və digər zəruri təhlükəsizlik tədbirləri davam etdirilir.