Pleyeri seçin:
Səs siqnalından istifadə edən sürücü polisinin əmrinə tabe olmaqdan boyun qaçırıb
Xəbərlərimizi Google-da izləyin
Yeniliklərdən dərhal xəbərdar olun
Bakıda qayda pozan sürücü yol polisinin əmrinə tabe olmaqdan boyun qaçırıb.
Gecə saatlarında Yasamal rayonu ərazisində avtomobilində çoxavazlı səs siqnalından istifadə edərək ictimai asayişi pozmağa çalışan sürücü saxlanılıb.
İsmayıl bəy Qutqaşenli və Nəriman Nərimanov küçələrinin kəsişməsində 10-AR-102 dövlət nömrə nişanlı "BMW" markalı avtomobilin sürücüsü Əmirov Fərid Elman oğlu avtomaşına quraşdırılan əlavə səs siqnalından istifadə edib.
Yasamal Rayon Dövlət Yol Polis Şöbəsinin əməkdaşları həmin sürücüyə "Saxla!" əmri verib. Müəyyən olunub ki, nəqliyyat vasitəsinə çoxavazlı səs siqnalı qoşulub. Sürücü səs siqnalının sökülməsi üçün mühərrik hissəsinin açılmasına mane olub. Avtomobilin cərimə meydançasına yerləşdirilməsi üçün əraziyə evakuator çağırılıb. Sürücü bu zaman da YPX əməkdaşlarına mane olmağa çalışıb.
Əraziyə Yasamal Rayon Polis İdarəsinin 26-cı Polis Bölməsinin əməkdaşları cəlb edilib.
Fərid Əmirov İnzibati Xətalar Məcəlləsinin 535-ci maddəsinə əsasən, polis bölməsinə aparılıb. Nəqliyyat vasitəsi isə cərimə meydançasına yerləşdirilib.
Kamil Əmirli
Elşad Mətləboğlu
Kopyalandı
Seçilmişlər
