Sevgilisini qətlə yetirən qadının məhkəməsində nələr baş verdi?
Özündən 10 yaş kiçik sevgilisini qətlə yetirməkdə təqsirləndirilən Ruhiyyə Tahirovanın cinayət işi üzrə məhkəmə istintaqı yekunlaşıb.
Bakı Ağır Cinayətlər Məhkəməsinin hakimi Kamran Muxtarovun sədrliyi ilə keçirilən prosesdə qərar elan edilib.
Dövlət ittihamçısı Babaxan Həsənəliyev ittiham nitqi ilə çıxış edərək məhkəməyə təqsirləndirilən şəxsin 12 il 6 ay müddətinə azadlıqdan məhrum edilməsini təklif edib. Təqsirləndirilən şəxsin vəkili Nicat İmanov müdafiə çıxışı üçün məhkəmədən vaxt istəyib.
Qeyd edək ki, ötən il mayın 30-da səhər saat 9 radələrində Sabunçu rayonunun Sabunçu qəsəbəsindəki evlərin birində 38 yaşlı İsrafilov Samir Yanvar oğlunun kəsilmiş-deşilmiş xəsarətlərdən ölməsi barədə polisə məlumat daxil olub.
Daxili İşlər Nazirliyinin Mətbuat Xidmətindən verilən məlumata görə, cinayət əməlini törətməkdə şübhəli bilinən 48 yaşlı Tahirova Ruhiyyə Mürvət qızı polis əməkdaşları tərəfindən saxlanılıb.
Məlumata görə, sevgililər arasında mübahisə şəxsi münasibətlər zəminində baş verib. Ruhiyyə Tahirovaya qarşı Cinayət Məcəlləsinin 120.1-ci (qəsdən adam öldürmə) maddəsi ilə ittiham irəli sürülüb.
#Sabunçu rayonu teqi istifadə olunub
- 21 illik ərini qətlə yetirən qadın hadisənin təfərrüatlarını danışdı - Baku TV
- Maştağada gölün doldurulması faktı üzrə hüquqi tədbirlər görülüb - Baku TV
- Ərini güllələdiyi deyilən Elmira sonra isə... | Sabunçuda qandonduran qətl - Baku TV
- "Qapımızı qırıb təhqir edirlər!" - Sabunçuda şok qalmaqal | Sakinlər ayağa qalxdı - Baku TV
- "Dedilər, evə əl gəzdirək, sonra isə..." - Evini satmaq istəyən qadın nə ilə üzləşdi? - Baku TV
