Seysmoloji Xidmət Mərkəzindən zəlzələ ilə bağlı əhaliyə xəbərdarlıq

Gürcüstan-Azərbaycan sərhədində 4,8 maqnitudada zəlzələ olub.

Bu barədə AMEA-nın nəzdindəki Respublika Seysmoloji Xidmət Mərkəzi məlumat yayıb.

Zəlzələlərin tədqiqatı bürosunun məlumatına əsasən, yeraltı təkanlar Zaqatala stansiyasından 61 km cənub-qərbdə Gürcüstan ərazisində qeydə alınıb. Zəlzələ ocağı 5 kilometr dərinlikdə yerləşib.

Bildirilib ki, yeraltı təkanlar Azərbaycanın sərhəd rayonlarında, Ağstafa, Tovuz, Balakən, Zaqatala, Gəncə, Gədəbəy və digər rayonlarda 3-4 bala qədər hiss olunub.