“Siqaret sevdası” başına iş açdı | Nərimanovdakı hadisədən anbaan görüntülər

Bakı şəhəri, Nərimanov rayonu, Aşıq Molla Cümə küçəsi 46 ünvanında yanğın hadisəsi baş verib.

Adıçəkilən ünvanda Fövqəladə Hallar Nazirliyi Dövlət Yanğın Nəzarəti Xidmətinin yanğın nəzarəti üzrə inspektorları tərəfindən ibtidai araşdırma aparılıb.

Araşdırma zamanı vətəndaş tərəfindən siqaret çəkilən zaman ehtiyatsızlığa yol verilməsi səbəbindən maddi ziyanla nəticələnən yanğının baş verdiyi müəyyən edilib.

Məlum olub ki, vətəndaş söndürülməmiş siqaret kötüyünü karton qutuların içərisinə atıb, sonradan onun söndürülməsi üçün cəhd göstərsə də, siqaret közünün tam sönməsinə əmin olmadan ərazini tərk edib və nəticədə yanğın hadisəsi baş verib.

Fövqəladə Hallar Nazirliyi bir daha əhalini xüsusilə havaların isti və quraq keçdiyi yay aylarında yanğın təhlükəsizliyi qaydalarına ciddi riayət etməyə çağırır.

“Açıq ərazilərdə siqaret çəkilməsi zamanı ərazinin yanğına qarşı vəziyyəti düzgün qiymətləndirilməli, söndürülməmiş siqaret kötüyü ətrafa atılmamalıdır. Bəsit bir qayda pozuntusu ciddi və ağır nəticələrə səbəb olan yanğın hadisələrinin başlıca səbəbləridir”, ‒ deyə nazirliyin müraciətində qeyd olunur.