Suriya nömrəsi ilə zəng edib bank kartında olan pulunu ələ keçirdilər

Daha bir Azərbaycan vətəndaşı kiberdələduzluğa məruz qalıb. Bu barədə Daxili İşlər Nazirliyinin rəsmisi Elşad Hacıyev məlumat yayıb.

Qurum rəsmisi bildirib ki, Suriya qeydiyyatlı nömrə ilə zəng edən naməlum şəxs qarşı tərəfə yalan vəd verməklə bank kartında olan pulunu ələ keçirib.

“Deyiblər ki, 1 milyon 700 min dollar pul var, onu Azərbaycana köçürə bilmirik. Bank kartı məlumatlarını bizə verin, ora göndərək, 700 min sizin olacaq. Sizinlə orada əlaqə saxlanılıb 1 milyon dolları təhvil alacaqlar. Vətəndaş bütün məlumatları həmin şəxsə verib, 5 saniyə ərzində bank kartında olan 7377 manat pul çıxarılıb”, – deyə qeyd edən Elşad Hacıyev hər kəsi kibercinayətkarlardan qorunmağa çağırıb.