Pleyeri seçin:
Taxta bazarındakı yanğın söndürüldü
Xəbərlərimizi Google-da izləyin
Yeniliklərdən dərhal xəbərdar olun
Bakının Nərimanov rayonunda, Dərnəgül ərazisində yerləşən taxta bazarında yanğın baş verib.
Ümumilikdə 1500 kvadratmetrdən artıq sahəni əhatə edən yanğın qısa zamanda bir neçə taxta sexinə keçib. Əraziyə dərhal FHN-in Yanğından Mühafizə Xidmətinin təxminən, 25-dən artıq yanğınsöndürmə texnikası, 200-dən artıq canlı qüvvəsi, eləcə də, 10 təcili yardım briqadası cəlb olunub.
İlkin məlumatlara görə, yanğın zamanı bir neçə nəfər xəsarət alıb. Səhiyyə Nazirliyinin Mətbuat xidmətindən bildirilib ki, FHN-in üç əməkdaşına hadisə yerində ilkin tibbi yardım göstərilib.
2 nəfər FHN əməkdaşı olmaqla, daha üç nəfər isə xəstəxanaya yerləşdirilib.
Fövqəladə Hallar nazirinin müavini Etibar Mirzəyev jurnalistlərə açıqlamasında bildirib ki, yanğınla bağlı əsas məsələ suyun çatışmazlığı olub. Əvvəlcə su daşınma yolu ilə həyata keçirilib. Daha sonra isə su mənbəyindən magistral çəkilərək yanğın tam söndürülüb.
Yanğının dəqiq hansı səbəblərdən baş verməsi aparılan araşdırmalardan sonra məlum olacaq.
Kopyalandı
Seçilmişlər
