Tovuzdakı qətlin tükürpərdici detalları üzə çıxdı | Ailə münaqişəsi dəhşətlə bitdi

Tovuzda qanla bitən ailə münaqişəsi ilə bağlı bəzi detallar məlum olub. Hadisə şəhərin Əhməd Cavad küçəsində baş verib.

Ruhi-əsəb xəstəsi 31 yaşlı Kainat Namazov anası 55 yaşlı Sevinc Həsənova və bacısı Aliyə Namazova ilə aralarında yaranan mübahisədən sonra onlara kəsici alətlə hücum edib və hər iki yaxınını ağır yaralayıb. Daha sonra evi yandırıb.

Dərhal əraziyə Fövqəladə Hallar Nazirliyinin Yanğından Mühafizə Xidmətinin Tovuz Rayon Yanğından Mühafizə Hissəsinin və rayon hüquq-mühafizə orqanlarının əməkdaşları cəlb edilib. Yanğın söndürülüb və ətraf ərazilərə keçməsinin qarşısı alınıb. Hadisə yerinin ilkin müayinəsi zamanı aşkar edilən iki yaralı qadın Tovuz Rayon Mərkəzi Xəstəxanasına yerləşdirilib.

Məlumata görə, hadisəni törətməkdə şübhəli bilinən Kainat Namazov Ruhi Əsəb Dispanserindən bir müddət əvvəl çıxıbmış və əvvəllər də tərəflər arasında ailədaxili münaqişələr yaşanıb. Kainat Namazov polis əməkdaşları tərəfindən saxlanılıb.

Faktla bağlı Rayon Prokurorluğunda araşdırma aparılır.