Xaçmazda ölümə səbəb olan bıçaqlanma hadisəsinin təfərrüatı

Xaçmazda ata və oğul bıçaqlanıb.

Hadisə rayonun Tel kəndində baş verib. Köhnə Xudat kənd sakini 36 yaşlı Nurlan Məmmədrəhimov və Bakı sakini Şəhram Manafzadə arasında şəxsi münasibətlər zəminində mübahisə yaranıb. Həmin vaxt Nurlan Məmmədrəhimovun oğlu, 15 yaşlı Cavidan Məmmədrəhimov da atasının yanında olub. Şəhram Manafzadə dava zamanı ata və oğlunu bıçaqlayıb.

Nəticədə məktəbli aldığı xəsarətlərdən hadisə yerində dünyasını dəyişib. Ata isə yaralı halda Xaçmaz Rayon Mərkəzi Xəstəxanasına yerləşdirilib.

Qeyd edək ki, yeniyetmənin Bakının Yasamal rayonundakı 53 saylı tam orta məktəbin şagirdi olduğu deyilir. 34 yaşlı Şəhram Manafzadə iş üzrə şübhəli şəxs qismində tutulub.

Faktla bağlı Xaçmaz Rayon Prokurorluğunda cinayət işi başlanıb, istintaq araşdırmaları davam etdirilir.