Xaçmazda qandonduran hadisə | Məktəblinin son vəziyyəti açıqlandı

Xaçmazda iki məktəbli arasında düşən mübahisə qanla bitib.

Hadisə 9 saylı tam orta məktəbin 2 şagirdi arasında yaşanıb.

Belə ki, 10-cu sinif şagirdlərindən biri öz sinif yoldaşına bıçaqla xəsarət yetirib. Yaralı Xaçmaz Rayon Mərkəzi Xəstəxanasına çatdırılıb.

Xəstəxanadan bildirilib ki, yeniyetməyə qarının ön divarının kəsilmiş-deşilmiş yarası, bağırsağın eventrasiyası diaqnozu təyin edilib:

“Xəsarət almış şəxsə cərrahi müdaxilə olunub. Hazırda müalicəsini davam etdirir. Vəziyyəti ağır stabil olaraq qiymətləndirilir”.

Qeyd edək ki, hadisəni törədən məktəbli polis tərəfindən saxlanılıb.