Xəzər Universitetində dəhşətə gətirən hadisə | DİN və TƏBİB-dən təcili məlumat

Xəzər Universitetində tələbəni bıçaqlayan şəxs saxlanılıb. Bu barədə Daxili İşlər Nazirliyindən məlumat verilib.

Bildirilib ki, mayın 29-da Nizami rayonu ərazisində 20 yaşlı şəxsə kəsici alətlə xəsarət yetirilməsi barədə polisə məlumat daxil olub.

"Əməli törətməkdə şübhəli bilinən şəxs polis əməkdaşları tərəfindən saxlanılıb. Araşdırma aparılır", – deyə qurumdan qeyd olunub.

Hadisə ilə bağlı TƏBİB də məlumat yayıb. Məlumatda deyilir ki, Təcili tibbi yardım briqadası tərəfindən 2005-ci il təvəllüdlü şəxsə yerində ilkin tibbi yardım göstərilib və Sabunçu Tibb Mərkəzinə hospitalizasiya olunub.

"Bel nahiyəsinin deşilmiş yarası, sol bazunun kəsilmiş yarası diaqnozları təyin edilən şəxsə zəruri tibbi yardımlar göstərilib və Əməliyyat blokuna alınıb.

Hazırda pasiyent üzərində cərrahi əməliyyat aparılır, vəziyyəti ağır qiymətləndirilir”, – məlumatda bildirilib.

Hadisənin təfərrüatı araşdırılır.