Zaqatalada ağır qəza | Xəsarətalanlar var

Zaqatalada iki minik avtomobili toqquşub, 5 nəfər xəsarət alıb.

Hadisə axşam saat 20 radələrində Yevlax-Zaqatala-Gürcüstan sərhəd magistral yolunun rayonun Yuxarı Tala kəndi ərazisindən keçən hissəsində baş verib.

Hərəkətdə olan “Mercedes” markalı və “BMW” markalı iki minik avtomobilinin toqquşması nəticəsində 5 nəfər müxtəlif dərəcəli bədən xəsarətləri alıb.

Yaralılar Zaqatala Rayon Mərkəzi Xəstəxanasının Cərrahiyyə korpusuna yerləşdiriliblər.

Faktla bağlı araşdırma aparılır.