Zaqatalada dəhşət | Mətbəxdən başlayan alov bütün evi yandırdı

Zaqatalada yanğın olub. Hadisə rayonun Qazangül qəsəbəsində 5 ailənin yaşadığı birmərtəbəli binada baş verib.

Zərərçəkən Xuraman Qocayevanın sözlərinə görə, 2024-cü ilin iyun ayında rayonun Aşağı Çardaqlar kəndində ailəsinə məxsus fərdi yaşayış evi bilinməyən səbəbdən yanıb. Yanğın baş verən binada 4 otaqlı evi isə təzə alıblar.

Qeyd edək ki, hadisə zamanı xəsarət alan olmayıb. Yanğının söndürülməsinə Zaqatala Rayon Dövlət Yanğından Mühafizə Hissəsinin iki yanğınsöndürən maşını və şəxsi heyəti cəlb olunub.

Yanğınsöndürənlərin səyi nəticəsində binanın tam yanmasının qarşısı dərhal alınıb. Yanğın nəticəsində binanın dam örtüyünün yanar konstruksiyaları 140 kvadratmetrlik sahədə yanıb və Xuraman Qocayevaya məxsus ümumi sahəsi 130 kvadratmetr olan 4 otaqlı evin mətbəxtinin yanar konstruksiyaları və tavanı 12 kvadratmetr sahədə yanıb.

Faktla bağlı araşdırma aparılır.