Zaqatalada təsərrüfatlara ciddi ziyan dəyib

Aprelin 30-da külək və leysan yağışla müşayiət olunan dolu Zaqatala rayonunun bəzi ərazilərində, xüsusilə Yuxarı Tala, Aşağı Tala və Muxax kəndlərində fəsadlar törədib. Dolu əsasən şəxsi təsərrüfatlara və meyvə ağaclarına zərər yetirib.

Fəsadlar ən çox Muxax kəndində qeydə alınıb. Burada tütün sahələri, çiyələk və fındıq bağları, həyətyanı sahələrin böyük hissəsi dolu nəticəsində məhv olub. Yetişməkdə olan bostan-tərəvəz bitkilərinə də ziyan dəyib.

Qeyd edək ki, Şəkinin də bir neçə kəndinə dolu yağıb. Rayonun Böyük Dəhnə, Kiçik Dəhnə, Şorsu və Aşağı Layısqı kəndlərində dolu təsərrüfatlara ziyan vurub. Ölkənin Şimal-qərb bölgəsində qeyri-sabit hava şəraiti hazırda da davam edir.