4 güləşçimiz Avropa Çempionatında medal qazanmağa yaxındır

Yunan-Roma güləşi üzrə millimiz Rumıniyada keçirilən Avropa çempionatında uğurla çıxış edir.

Buxarestdə təşkil olunan yarışda pəhləvanlarımızdan Rəşad Məmmədov və Murad Məmmədov finala vəsiqə qazanıblar.

55 kq-da mübarizə aparan Rəşad Məmmədov əvvəlcə Rumıniya, yarımfinalda isə Gürcüstan nümayəndəsinə qalib gələrək həlledici görüşdə moldovalı Artyom Delianuya rəqib olub.

63 kq çıxış edən Murad Məmmədov isə ardıcıl olaraq Danimarka, Latviya və Rusiya idmançılarını məğlub edərək finalda iştirak hüququ əldə edib. O, qızıl medal uğrunda ukraynalı Aleksandr Xruşinlə qarşılaşacaq.

Bundan başqa, təmsilçilərimizdən İslam Abbasov 87, Beka Kandelaki isə 130 kq-da bürünc medal üçün mübarizə aparacaq.

Qeyd edək ki, fevralın 12-dən start götürən qitə çempionatına fevralın 18-də yekun vurulacaq.