Pleyeri seçin:
4 qapıçı zədələndi, qapı 16 yaşlı uşağa qaldı
Almaniya nəhəngi "Bayern Münhen" Çempionlar Liqasının cavab qarşılaşması öncəsi analoqu olmayan kadr itkisi ilə üz-üzə qalıb.
Komandanın əsas qapıçısı Manuel Noyerlə yanaşı, Sven Ulrayx, Jonas Urbiq və U-19 komandasının üzvü Leon Klanatsın zədələnməsi klubu çıxılmaz vəziyyətə salıb.
Yaranmış qapıçı qıtlığı səbəbindən baş məşqçi Vensan Kompani radikal addım ataraq U-19 komandasının ehtiyat qapıçısı Leonard Preskottu əsas heyətə çağırıb. "Atalanta" ilə keçiriləcək vacib matçda Münhen klubunun qapısını cəmi 16 yaşı olan Preskottun qoruyacağı gözlənilir.
İlk oyunda səfərdə 6:1 hesablı darmadağınla qalib gələn Almaniya təmsilçisi üçün bu üstünlük gənc əlcək sahibinin debüt həyəcanını azaltmağa kömək edə bilər.
Mütəxəssislər hesab edirlər ki, Leonard Preskott bu şansdan maksimum yararlanarsa, komandanın qapıçıları arasında sürətlə yüksəlmək fürsəti qazanacaq.
Kopyalandı
#Bayern Münhen FK teqi istifadə olunub
Seçilmişlər
