İdman
Pleyeri seçin:
Almaniya millisi tarixində ilk dəfə basketbol üzrə dünya çempionu olub
Basketbol üzrə Almaniya millisi tarixində ilk dəfə dünya çempionu olub.
İndoneziya, Yaponiya və Filippinin birgə ev sahibliyi etdiyi turnirin finalında Almaniya komandası Serbiya yığması ilə üz-üzə gəlib.
İlk period serbiyalıların 26-23 hesablı üstünlüyü ilə yekunlaşıb. Böyük fasilə ərəfəsində almaniyalılar tarazlığı bərpa ediblər: 47-47.
Növbəti periodlarda isə Almaniya millisi təşəbbüsə yiyələnməyə nail olub. Qarşılaşmada 83-77 hesabı ilə qalib gələn kollektiv turnirin qızıl medallarına yiyələnib.
Qeyd edək ki, Almaniya yığmasının daha əvvəl dünya çempionatlarında ən yaxşı nəticəsi 2002-ci ildə qeydə alınmışdı. Komanda həmin turnirdə bürünc medalların sahibi olmuşdu.
Kopyalandı
Seçilmişlər
