Arne Slot “Mançester Yunayted” oyununun əhəmiyyətindən danışıb

"Liverpul" futbol klubunun baş məşqçisi Arne Slot İngiltərə Premyer Liqasının 9-cu turu çərçivəsində əzəli rəqibləri “Mançester Yunayted” ilə baş tutacaq derbinin (19 oktyabr) xüsusi əhəmiyyətə malik olduğunu vurğulayıb. Niderlandlı mütəxəssis Premyer Liqadakı hər oyunu səbirsizliklə gözlədiyini bildirsə də, "Mançester Yunayted" ilə qarşılaşmaları bir az daha çox istədiyini dilə gətirib. O, bu derbinin təkcə İngiltərədə deyil, bütün dünyada ən populyar və xüsusi oyunlardan biri olduğunu qeyd edərək, belə bir matçın bir hissəsi olmaqdan məmnunluğunu ifadə edib. Slot, komandasının bu cür yüksək profilli oyunda özünün maksimum performansını göstərməli olduğunu bildirib. Eyni zamanda, o, rəqibin - "Mançester Yunayted"-in mövsümə startının cədvəldəki mövqeyindən daha yaxşı olduğunu qəbul edərək, “Anfield” stadionunda maraqlı və gərgin mübarizə gözlədiyini əlavə edib.