Pleyeri seçin:
AVRO-2024-də 1/8 final mərhələsinin ilk oyunları olub
Almaniyada keçirilən futbol üzrə Avropa çempionatında 1/8 final mərhələsinin daha 1 görüşü baş tutub.
“Siqnal İduna Park” arenasında keçirilən oyunda Almaniya və Danimarka yığmaları üz-üzə gəliblər.
Görüşün ilk hissəsində qapılar önündə qol vəziyyətləri yaransa da, hesab açılmayıb. İkinci yarıda Bundestim üstünlük qazanmağı bacarıb. 53-cü dəqiqədə Kay Havertz danimarkalı azarkeşləri məyus edib. 68-ci dəqiqədə fərq 2-yə çatıb. Bu dəfə Camal Musiala hədəfi dəqiq nişan alıb.
Danimarkalılar məğlubiyyətdən xilas olmağa çalışsalar da, nəticə dəyişməyib. Görüşdə 2-0 hesablı qələbə qazanan Almaniya millisi 1/4 finala vəsiqə əldə edib.
Əlavə edək ki, Bundestim növbəti mərhələdə İspaniya – Gürcüstan cütünün qalibi ilə qarşılaşacaq.
Kopyalandı
