AVRO-2024-də günün mərkəzi qarşılaşması | İspaniya-Xorvatiya matçı

16 iyun 2024

Futbol üzrə Avropa çempionatında daha bir oyun B qrupu çərçivəsində keçirilib.

Yarışın favoritlərindən İspaniya millisi Xorvatiya seçməsi ilə üz-üzə gəlib.

Berlinin “Olimpiaştadion” arenasında keçirilən matça “Qırmızı Furiya” sürətli hücumlarla başlayıb. 3 qat Avropa çempionlarının səyləri 29-cu dəqiqədə nəticə verib. Alvaro Morata fərqlənib. Çox keçmədən Fabian Ruis 2-ci topu xorvatların qapısına göndərib. İlk hissənin sonlarında isə Dani Karvaxalın zərbəsi dəqiq olub.

Fasiləyə 3-0 hesabı ilə irəlidə yollanan İspaniya yığması 2-ci yarıda təşəbbüsü əldən verməyib. Qarşılaşmanın sonlarında Xorvatiya kollektivi penalti qazansa da, Bruno Petkoviç fürsətdən yararlanmayıb. Beləliklə, 3-0 hesabı ilə qalib gələn İspaniya komandası AVRO-2024-ə qələbə ilə başlayıb.

Qeyd edək ki, pireneylilər 2-ci turda İtaliya millisi ilə qarşılaşacaq. Xorvatiya futbolçuları isə Albaniyanı sınağa çəkəcəklər.

#AVRO 2024