Pleyeri seçin:
AVRO-2024 | İtaliya - Albaniya matçı
AVRO-2024-ün B qrupunda ilk tura İtaliya – Albaniya matçı ilə yekun vurulub.
Dortmunddakı “Siqnal İduna Park” stadionunda keçirilən görüşdə hesab artıq 22-ci saniyədə açılıb. Albaniya millisini irəli çıxaran Nedim Bayrami həm də Avropa çempionatları tarixində ən erkən qolun müəllifi olub.
Lakin italyanların cavabı özünü çox gözlətməyib. AVRO-2020-nin qaliblərinin heyətində Alessandro Bastoni fərqlənib. 16-cı dəqiqədə isə “Skuadra Adzurra” hesabda irəli çıxıb. Nikolo Barella qapını dəqiq nişan alıb.
İlk hissə apenninlilərin 2-1 hesablı üstünlüyü ilə bitib. Fasilədən sonra da təşəbbüs İtaliya seçməsində olub. Nəticədə sərfəli hesabı qoruyan komanda qitə çempionatına qələbə ilə başlayıb.
Qeyd edək ki, İtaliya yığması iyunun 20-si keçiriləcək 2-ci turun oyununda İspaniya millisi ilə qarşılaşacaq. Albaniya kollektivi isə iyunun 19-da Xorvatiya futbolçuları ilə üz-üzə gələcək.
Kopyalandı
Seçilmişlər
