Pleyeri seçin:
“Ay-ulduzlular” Bolqarıstan üzərində qələbə qazandı | Türkiyə pley-offa vəsiqəni təmin etdi
Futbol üzrə DÇ-2026-nın Avropa zonası üzrə seçmə mərhələsinin IX turunda Türkiyə millisi Bolqarıstan yığma komandası ilə qarşılaşıb.
Doğma meydanda baş tutan görüşün elə ilk dəqiqələrindən üstünlüyü ələ alan “ay-ulduzlular” istəyinə 18-ci dəqiqədə çatıblar. Əllə oyuna görə rəqib qapısına təyin edilmiş 11 metrlik cərimə zərbəsini Hakan Çalhanoğlu dəqiq tamamlayıb.
Hücumlara ara verməyən Vinçenzo Montellanın komandası 83-cü dəqiqədə hesabı 2-0-a çatdırıb. Bu dəfə bolqarıstanlı Atanas Çernev avtoqola imza atıb.
Bu qələbə sayəsində Türkiyə millisi 12 xalla lider İspaniyadan 3 xal geri qalır.
Qeyd edək ki, son turda İspaniya millisi ilə səfərdə keçiriləcək görüş qrup birincisi baxımından Türkiyə yığma komandası üçün əhəmiyyət kəsb edir.
Kopyalandı
Seçilmişlər
