Azərbaycan çempionatı: “Neftçi” - “Turan Tovuz” matçı

“Neftçi” komandası Premyer liqada növbəti görüşünü keçirib.

“Ağ-qaralar” 26-cı turda “Turan Tovuz”u qəbul edib.

“Neftçi Arena”da təşkil olunan matçın 18-ci dəqiqəsində qonaqlar azlıqda qalıblar. Emmanuel Hakman birbaşa qırmızı vərəqə ilə cəzalandırılıb.

Fasiləyədək meydan sahibləri say üstünlüyündən yararlana bilməyib.

Paytaxt təmsilçisinin hücumları 88-ci dəqiqədə nəticə verib. Bassala Sambu fərqlənib. Lakin Tovuz komandası məğlubiyyətdən xilas ola bilib.

Əsas vaxta artırılan dəqiqələrdə Hayderson Hurtadonun zərbəsi dəqiq alınıb. Qarşılaşma 1-1 hesabı ilə yekunlaşıb.

Bu nəticədən sonra “Neftçi”nin aktivində 28 xal var. “Ağ-qaralar” yarış cədvəlində 6-cı pillədə qərarlaşıb. 43 xalı olan “Turan Tovuz” isə 4-cü yerdədir.

Növbəti turda “Neftçi” futbolçuları “Səbail”in qonağı olacaq. Martın 16-sı keçiriləcək oyun saat 16:00-da başlayacaq.