İdman
Pleyeri seçin:
Azərbaycan çempionatı: "Qarabağ" "Səbail" matçı
Azərbaycan Premyer Liqasında XIII tura “Qarabağ” – “Səbail” matçı ilə yekun vurulub.
Tofiq Bəhramov adına Respublika Stadionunda keçirilən görüş “köhlən atlar”ın 3-1 hesablı qələbəsi ilə bitib.
Oyunda ilk qol 8-ci dəqiqədə vurulub. Meydan sahiblərinin üzvü Toral Bayramov fərqlənib.
43-cü dəqiqədə Ağdam təmsilçisi üstünlüyünü 2 topa çatdırıb. Bu dəfə Yassin Benzia azarkeşləri sevindirib. İlk hissə 2-0 hesabı ilə başa çatıb.
53-cü dəqiqədə “köhlən atlar” “dənizçilər”i oyuna 3-cü dəfə mərkəzdən başlamağa məcbur ediblər. Juninyo hədəfi dəqiq nişan alıb.
“Səbail”in gücü ancaq təsəlli qoluna çatıb. 76-cı dəqiqədə Pedro Nununun topu yekun nəticəni müəyyənləşdirib.
3-1 hesablı qələbədən sonra xallarının sayını 26-ya çatdıran “Qarabağ” turnir cədvəlinin 2-ci pilləsində qərarlaşıb. “Köhlən atlar” lider “Zirə”dən 1 xal geri qalır. 21 xalı olan “Səbail” isə “Sumqayıt”la 3-cü, 4-cü yerləri bölüşdürür.
Kopyalandı
Seçilmişlər
