Pleyeri seçin:
Azərbaycan idmanında ilkə imza atılıb
Azərbaycanın qadın şahmatçısı Ülviyyə Fətəliyeva tarixi uğura imza atıb.
O, Yunanıstanda təşkil edilən Avropa çempionatında qızıl medal qazanıb.
Təmsilçimiz Rodos adasında keçirilən yarışın son turunda gürcüstanlı Nino Batsiaşvili ilə qarşılaşıb. Qara fiqurlarla oynayan Ülviyyə bu görüşdə heç-heçəyə razılaşıb. Nəticədə 8 xal yarım toplayan idmançımız bütün rəqiblərini qabaqlamağa müvəffəq olub.
Bununla da Ülviyyə Fətəliyeva qadınlar arasında fərdi Avropa çempionatında qalib gələn ilk azərbaycanlı xanım şahmatçı olub.
Qeyd edək ki, sözügedən yarışda ümumən 10 qrosmeysterimiz qüvvəsini sınayıb. Turnirdə Ülviyyə Fətəliyeva ilə yanaşı, Günay Məmmədzadə, Xanım Balacayeva, Səbinə İbrahimova, Gövhər Beydullayeva, Gülnar Məmmədova, Nərmin Abdinova, Ayan Allahverdiyeva, Səbinə Rzalı və Ləman Hacıyeva mübarizə aparıblar.
Kopyalandı
