Azərbaycan Kubokunun qalibi məlum oldu

Azərbaycan Kubokunda 2022/2023-cü illər mövsümünün qalibi müəyyənləşib.

Həlledici görüşdə “Neftçi” və “Qəbələ” klubları üz-üzə gəliblər. “Bakcell Arena”dakı matçın 1-ci hissəsində qapılar önündə təhlükəli vəziyyətlər yaransa da, hesab açılmayıb.

2-ci yarı da eyni məzmunda davam edib. Komandaların fərqlənmək cəhdləri nəticəsiz olduğundan əlavə 30 dəqiqə oynanılıb. Burada isə 102-ci dəqiqədə "Qəbələ" futbolçuları penalti vurmaq imkanı qazanıblar. Komandanın üzvü İsnik Alimi zərbəni dəqiq yerinə yetirərək hesabı açıb.

Qalan vaxtda "Neftçi" dönüş edə bilməyib və görüşdə 1-0 hesabı ilə qalib gələn “Qəbələ” tarixində 2-ci dəfə Azərbaycan Kubokunu qazanıb.