Azərbaycan millisi bu gün yoxlama matçına çıxacaq

Futbol üzrə Azərbaycan millisi bu gün yoxlama matçında qüvvəsini sınayacaq.

Oyunçularımız Macarıstanın Sombatxey şəhərində Albaniya seçməsi ilə üz-üzə gələcəklər.

“Haladaş” stadionunda keçiriləcək görüş Bakı vaxtı ilə saat 21:00-da başlayacaq. Qarşılaşmanın baş hakimi isə yerli Mihay Kaprali olacaq.

Qeyd edək ki, yığmamız sonuncu matçlarını Bakıda təşkil olunan yoxlama yarışı çərçivəsində keçirib. Monqolustan təmsilçilərinə 1-0 hesabı ilə qalib gələn futbolçularımız Bolqarıstan kollektivi ilə 1-1 hesablı sülh bağlayıblar.