“Neftçi” Türkiyədə 3-cü yoxlama oyununa çıxıb

Türkiyədə təlim-məşq toplanışında olan “Neftçi” 3-cü yoxlama matçına çıxıb.

Baş məşqçi Roman Qriqorçukun kollektivi “Ərzurumspor”la üz-üzə gəlib.

Ərzurum bölgəsində keçirilən qarşılaşmanın ilk hissəsində qapılar önündə qol vəziyyətləri yaransa da, hesab açılmayıb. İkinci yarıda da tərəflər qapılara qol vura bilməyiblər. Görüş qolsuz bərabərliklə başa çatıb.

Xatırladaq ki, Bakı klubu daha əvvəl digər Super Liqa təmsilçiləri “Alanyaspor” və “Sivasspor”la qarşılaşıb. Alanya təmsilçisi ilə oyunda 3-1 hesablı qələbə qazanan “ağ-qaralar” digər görüşdən də qalib ayrılıb.