"Neftçi" Türkiyədə ilk yoxlama oyununu keçirib

“Neftçi” klubu qış təlim-məşq toplanışı çərçivəsində ilk yoxlama oyununu keçirib.

“Ağ-qaralar” Antalya şəhərinin Belek bölgəsində yerli “Ərzurumspor” kollektivi ilə üz-üzə gəlib.

Matçda hesabı “Neftçi” açsa da, I Liqa təmsilçisi 3:1 hesablı qələbə qazanıb. “Flaqman”ın heyətində yeganə qolun müəllifi Rəhman Hacıyev olub. Türkiyə klubundan isə Eren Tozlu, Məhəmməd Özhan və Özgür Sərt fərqlənib.

Qeyd edək ki, “Neftçi”nin toplanışı yanvarın 14-nədək davam edəcək. “Ağ-qaralar" bu müddət ərzində daha bir yoxlama matçı keçirəcək. Rəqibin adına isə yaxın günlərdə aydınlıq gələcək.