İdman
Pleyeri seçin:
Azərbaycanlı futbolçu Mahir Emrelinin Almaniyada növbəti uğuru
Millimizin üzvü Mahir Emreli “Nürnberq”in heyətində növbəti qoluna imza atıb. 27 yaşlı hücumçu bu dəfə Almaniya Kubokunun 1/16 final matçında fərqlənib.
Komandasının “Hoffenhaym”a 1-2 hesabı ilə uduzduğu qarşılaşmada Mahir Emreli “Nürnberq”in yeganə topunu vurub. Bununla da Mahir Emreli bu klubun forması ilə 3-cü dəfə rəqib qapısına yol tapıb.
Forvard daha əvvəl 2-ci Bundesliqa çərçivəsində “Qröyter Fürt” və “Reqensburq” kollektivləri ilə görüşlərdə qol vurub.
Xatırladaq ki, “Nürnberq”ə bu yay azad agent kimi qoşulan Mahir Emrelinin müqaviləsi 2025-ci ilə qədərdir. Təcrübəli oyunçu daha əvvəl ölkəmizin “Qarabağ”, Polşanın “Legiya”, Xorvatiyanın “Dinamo” (Zaqreb) və Türkiyənin “Konyaspor” klublarında top qovub. 2017-ci ildən millimizə çağırılan Mahir Emreli yığmada 50 matçda 6 qolla yadda qalıb.
Kopyalandı
