İdman
Pleyeri seçin:
“Barselona” ulduz futbolçu üçün 80 milyon avro təklif edəcək
Maliyyə problemləri ilə mübarizəni davam etdirən “Barselona” 80 milyon avroluq transferə hazırlaşır.
“Blauqrana” “Bavariya”nın aparıcı futbolçularından Yozua Kimmixi heyətinə qatmaq niyyətindədir. Bildirilib ki, kataloniyalılar keçidi qış transfer pəncərəsində reallaşdıra bilməsələr, mövsümün sonunda tamamlamağı planlaşdırırlar.
Maraq üçün deyək ki, “rekordmayster”lə müqaviləsi 2025-ci ilə qədər olan Yozuanın məşhur “Transfermarkt” portalına əsasən, dəyəri 75 milyon avrodur.
Qeyd edək ki, 2015-ci ildən “Bavariya”da top qovan Y.Kimmix 363 matçda 40 qolla yadda qalıb. Münhenlilərlə 8 dəfə ölkə çempionu olan yarımmüdafiəçi Çempionlar Liqası, UEFA Super Kuboku və klublararası dünya çempionatında da qalib gəlib. 2016-cı ildən Almaniya millisinə də çağırılan Yozua “bundestim” forması ilə 80 oyunda 6 qol vurub.
Kopyalandı
Seçilmişlər
