Pleyeri seçin:
“Barselona“nın prezidenti Joan Laporta rüşvət qalmaqalına görə həbs edilə bilər
İspaniya futbolunda korrupsiya qalmaqalı böyüməyə davam edir.
Bir müddətdir ölkənin futbol federasiyasının texniki komitəsinin vitse-prezidenti Xose Mariya Enrikes Neqreyraya rüşvət verməkdə ittiham olunan “Barselona”nın sabiq rəhbərləri Xosep Bartomeu və Sandro Rosellə yanaşı, klubun hazırkı prezidenti Joan Laporta da cəzalandırıla bilər.
Bildirilir ki, məhkəmə işini aparan hakim Bartomeu və Rosel dövründə direktorlar şurasında olan hər kəsi, eləcə də Laportanı məsuliyyətə cəlb etmək qərarına gəlib.
Qeyd edək ki, “Barselona” prokurorluq orqanları tərəfindən irəli sürülən bütün ittihamları rədd edir. Joan Laporta isə kluba qarşı qarayaxma kampaniyası aparıldığı barədə açıqlama verib.
Kopyalandı
