“Barselona”nın ulduzu Lamin Yamal yayda klubdan gedəcək?

2017-ci ildə Neymarı 222 milyon avroya transfer edərək, yeni rekord müəyyənləşdirən PSJ “Barselona”nın gənc ulduzu Lamin Yamalı heyətə qatmaq istəyir.

Fransa nəhəngi 17 yaşlı futbolçuya fantastik məvacib təklifi hazırlayır.

İddia olunur ki, bu müqavilə şərtləri ilə “Real”ın ulduzu Kilian Mbappenin sözləşməsini xatırladacaq. Belə olan halda Yamal PSJ-də illik 50 milyon avro məvacib olacaq.

Laminin potensial keçidə münasibəti hələ ki bilinməsə də, razılaşmaya “Barselona”nın mövqeyi təsir edə bilər. Oyunçunun “blauqrana” ilə müqaviləsində 1 milyard avro qarşılığında azad qalmaq bəndi var. Parislilər isə bu məbləği ödəməyə hazır deyil. Klub Yamala görə təqribən 300 milyon avroluq təklif göndərəcək.

Qeyd edək ki, “Barsa”nın liderlərindən olan Lamin cari mövsümdə bütün yarışlarda 38 oyuna çıxıb və 13 qol, eləcə də 17 assistlə yadda qalıb. Sözləşməsi gələn yayadək olan futbolçu komanda ilə İspaniya çempionatı və superkubokunun qalibidir.