Pleyeri seçin:
Bir çox komandalara rəhbərlik edən baş məşqçi vəfat etdi
Xəbərlərimizi Google-da izləyin
Yeniliklərdən dərhal xəbərdar olun
Futbol üzrə Rumıniya milli komandasının sabiq baş məşqçisi Mirça Luçesku 80 yaşında ürək tutmasından vəfat edib.
Bu barədə jurnalist Emanuel Roşu "X" sosial şəbəkəsində məlumat yayıb.
"Faciəvi xəbər. Mirça Luçesku 15 dəqiqə əvvəl vəfat edib", – deyə o yazıb.
Xatırladaq ki, Luçesku martın 29-da da təcili xəstəxanaya yerləşdirilib. Onun vəziyyəti Slovakiyaya uçuş ərəfəsində, son məşqdən əvvəl keçirilən texniki iclas zamanı pisləşib. Aprelin 2-də isə o, Rumıniya millisinin baş məşqçi postundan ayrılıb.
Luçeskunun səhhətindəki problemlər 2025-ci ilin sonunda kəskinləşməyə başlayıb. Yanvarın sonunda o, kəskin soyuqdəymənin ürək problemlərini ağırlaşdırması səbəbindən daha bir neçə gün xəstəxanada qalmalı olub.
Zəngin məşqçilik karyerası olan rumıniyalı mütəxəssis İtaliyanın "İnter", "Piza", "Breşiya", Türkiyənin "Qalatasaray", "Beşiktaş", Ukraynanın "Dinamo" və "Şaxtyor" komandalarına rəhbərlik edib. O, 2024-cü ildən Rumıniya yığmasını çalışdırırdı.
Kopyalandı
Seçilmişlər
