Boks üzrə dünya çempionu Cervonta Devis İslam dinini qəbul edib

3 çəki dərəcəsində boks üzrə məğlubedilməz dünya çempionu Cervonta Devis İslam dinini qəbul edib.

Bu barədə sabiq dünya çempionu Badu Cek sosial media hesabında post yerləşdirib.

Qeyd edək ki, Cervonta Devis peşəkar boksda 2013-cü ildə debüt edib. 2017-ci ildə 59 kq-dək çəki dərəcəsində IBF titulunu qazanan C.Devis 2019-cu ildə 61,2 kq-dək çəkidə WBA tituluna yiyələnib. 2021-ci ildə isə 29 yaşlı boksçu 63,5 kq-dək çəkidə dünya çempionu olub.

Karyerası ərzində 29 döyüşə çıxan “Tank” ləqəbli idmançı 27-si nokautla olmaqla bütün görüşlərdə qalib gəlib. Son olaraq bu ilin aprelində həmyerlisi Rayan Qarsiya ilə qarşılaşan C.Devis bu döyüşün 7-ci raundunda nokautla qələbə qazanıb.