Boksçumuz Alfonso Dominges Olimpiadanın gümüş medalını qazanıb

Parisdə keçirilən Olimpiya Oyunlarında boksçumuz Alfonso Dominges növbəti döyüşünü keçirib.

Təmsilçimiz yarışın final mərhələsində özbəkistanlı Lazizbek Mullojonovla qarşılaşıb.

Görüşdə məğlub olan A.Dominges Olimpiadanın gümüş medalına yiyələnib.

Qeyd edək ki, yarışa 1/8 final mərhələsindən başlayan və ilk döyüşündə 2 qat olimpiya çempionu kubalı Xulio Sezar la Kruzu məğlub edən A.Dominges 1/4 finalda qazaxıstanlı Aybek Oralbaydan güclü olub.

Yarımfinalda isə ispaniyalı Emmanuel Reyesə qalib gələn A.Dominges final mərhələsinə vəsiqə əldə edib.