İdman
Pleyeri seçin:
Çempionlar liqası: “Milan” “İnter” matçı
UEFA Çempionlar liqasında yarımfinalın ilk matçlarına yekun vurulub. Mərhələnin 2-ci görüşü “Milan” derbisi ilə əlamətdar olub.
“San-Siro” stadionunda keçirilən “Milan” - “İnter” qarşılaşmasında hesab erkən açılıb. Artıq 8-ci dəqiqədə Edin Dzeko “neradzurri”yə üstünlük qazandırıb. Çox keçmədən fərq 2-yə yüksəlib. Henrix Mxitaryan “rossoneri”ni 2-ci dəfə oyuna mərkəzdən başlamağa məcbur edib. Fasiləyədək qonaqlar daha bir neçə təhlükəli vəziyyət yaratsalar da, ilk hissə 2-0 hesabı ilə yekunlaşıb.
2-ci yarıda meydan sahibləri dönüş etməyə səy göstərsə də, cəhdləri nəticəsiz qalıb. Sərfəli hesabı qoruyan “İnter” cavab matçından əvvəl üstünlük əldə edib.
Qeyd edək ki, tərəflər arasında 2-ci görüş mayın 16-sı yenə “San-Siro”da keçiriləcək.
Kopyalandı
Seçilmişlər
