Çempionlar liqasında 1/4 finalın püşkatma mərasimi oldu

UEFA Çempionlar Liqasında 2022/23-cü illər mövsümü üçün 1/4 final mərhələsinin püşkü atılıb.

İsveçrənin Nyon şəhərində baş tutan tədbirdə yarışın son qalibi “Real Madrid” qeyri-sabit mövsüm keçirən “Çelsi”yə rəqib olub. 1/8 finalda “Portu”nu məğlub edən “İnter” Portuqaliya təmsilçisi “Benfika” ilə üz-üzə gələcək.

A Seriyasında çempionluğa əsas namizəd “Napoli” komandası İtaliyanın digər klubu “Milan”la qarşılaşacaq. Mərhələnin digər oyunları isə favoritlərdən “Mançester Siti” və “Bavariya” arasında baş tutacaq.

Qeyd edək ki, tədbirin davamında yarımfinalda hansı cütlərin qarşılaşacağı məlum olub. “Real”-“Çelsi” mübarizəsində güclü olan kollektiv növbəti mərhələdə “Mançester Siti”-“Bavariya” cütünün qalibi ilə üz-üzə gələcək. “Napoli” və “Milan” arasında yarımfinala adlayan komanda isə “İnter” və ya “Benfika”ya rəqib olacaq.