Pleyeri seçin:
Cüdoçularımız Avropa birinciliyində tarix yazıb
Yeniyetmə cüdoçulardan ibarət yığmamız Portuqaliyada keçirilən Avropa birinciliyində parlaq nəticə qazanıb.
İdmançılarımız Odivelas şəhərində baş tutan turnirdə 6-sı qızıl və 3-ü bürünc olmaqla 9 medalın sahibi olublar.
Təmsilçilərimizdən Məhəmməd Məmişov, Məhəmməd Musayev, Mirxaliq İskəndərov, Əbil Yusubov və Ramazan Əhmədov oğlanlar, Vüsalə Hacıyeva isə qızlar arasında yarışda 1-ci yeri tutublar.
Daha 3 idmançımız – Xədicə Qədəşova, Əhməd Rüstəmov və Mehdi Cəfərov isə bürünc mükafata yiyələniblər. Bu nəticə ilə ölkəmiz medal əyarına görə ümumi hesabda və oğlanlar arasında 1-ci pillənin sahibi olub.
Qeyd edək ki, Portuqaliyada keçirilən qitə birinciliyində 215-i oğlan və 189-u qız olmaqla 40 ölkədən ümumilikdə 404 idmançı mübarizə aparıb.
Kopyalandı
#Portuqaliya teqi istifadə olunub
Seçilmişlər
