Pleyeri seçin:
Cüdoçumuz Coşqun Əliyev gümüş medal qazandı
Yaponiyada keçirilən “XXV Yay Deflimpiya Oyunları”nda iştirak edən Azərbaycan idman tarixində ilk dəfə olaraq medal qazanıb.
Ölkəmizə ilk medalı cüdo yarışlarında 60 kiloqram çəki dərəcəsində mübarizə aparan idmançımız Coşqun Əliyev qazandırıb.
Sözügedən yarışların ilk günündə tatami üzərinə çıxan deflimpiyaçımız əvvəlcə 1/8 finalda Cənubi Koreya təmsilçisi Çoi Junhoya, 1/4 finalda xorvatiyalı Tonzetiç Josipə, yarımfinalda isə Niderlanddan olan Albert Hendrikə qalib gələrək finala yüksəlib.
Həlledici mərhələdə cüdoçumuz rəqibi braziliyalı Dantas Pedroya məğlub olsa da, Azərbaycan tarixində ilk dəfə olaraq Deflimpiya Oyunlarında gümüş medal qazanan idmançı kimi tarixə düşüb.
Kopyalandı
Seçilmişlər
