Dünya futbolunun ulduzu Dani Alveş barədə yeni məlumat
Braziliya millisinin və “Barselona”nın sabiq futbolçusu, bir müddət əvvəl həbs olunan Dani Alveş azadlığa buraxılıb.
Bu barədə xarici mediada məlumat paylaşılıb.
Bildirilib ki, Barselona məhkəməsi son hökm çıxana qədər D.Alveşin evinə buraxılmasını qərara alıb. Dani bunun üçün 1 milyon avro təzminat ödəyəcək.
Qeyd edək ki, Dani Alveş 2023-cü il yanvarın 20-də gecə klublarından birində qadına qarşı qeyri-etik hərəkətlərdə ittiham olunaraq 4 il 5 ay müddətinə həbs cəzasına məhkum edilib. Həmçinin o, zərərçəkənə mənəvi təzminat olaraq 150 min avro ödəməlidir.
Xatırladaq ki, futbol tarixinin ən titullu oyunçularından olan Dani Alveş karyerası ərzində “Barselona”, “Sevilya”, “Yuventus” və PSJ kimi nəhəng klublarda forma geyinib. Bu müddət ərzində 910 matçda 67 dəfə rəqib qapılarına yol tapan D.Alveş İspaniya, İtaliya və Fransa çempionatlarında qızıl medalların sahibi olub.
Əlavə edək ki, 2006-2022-ci illər ərzində Braziliya millisinə də çağırılan Dani 126 oyunda 8 dəfə fərqlənib.