Dünyanın ən bahalı futbolçusunun adı açıqlanıb

Beynəlxalq İdman Araşdırmalar Mərkəzi dünyanın ən bahalı futbolçusunun adını açıqlayıb.

30 min oyunçu arasında aparılan araşdırmadan sonra “Dortmund Borussiyası”nın üzvü Cud Bellingem ən bahalı futbolçu elan olunub. İngiltərəli yarımmüdafiəçinin hazırkı dəyəri 208,2 milyon avrodur.

2-ci pillədə “Mançester Siti”dən Fil Foden qərarlaşıb. İlk üçlüyü PSJ-nin hücumçusu Kilian Mbappe qapayır. Onların dəyəri müvafiq olaraq 200,5 milyon və 191,7 milyon avrodur. Bundan başqa, ilk 10-luqda Vinisius Junior, Erlinq Holand, Pedri, Qavi, Camal Musiala, Yoşko Qvardiol və Federiko Valverde yer alıb.

Maraq üçün deyək ki, son illərin ən yaxşı futbolçuları kimi göstərilən Lionel Messi və Kriştiano Ronaldo ilk 100-lükdən kənarda qalıb.