Dünyanın ən bahalı futbolçusunun adına aydınlıq gəlib

“Mançester Siti”nin liderlərindən Erlinq Holand dünyanın ən bahalı futbolçusu olub.

Məşhur “Transfermarkt” portalının tərtib etdiyi siyahıda dəyəri 200 milyon avro olan E.Holand ilk pillədə qərarlaşıb.

Norveçli hücumçu “Real Madrid”in ulduzları, 180 milyon avro dəyərində qiymətləndirilən Cud Bellingem, Vinisius Junior və Kilian Mbappeni geridə qoyaraq müvafiq siyahıda 1-ci yerə qalxıb.

Qeyd edək ki, cari mövsümdə əla formada olan Erlinq İngiltərə Premyer liqasında bombardirlər yarışına başçılıq edir. Çempionatda 10 qolun müəllifi olan forvard ən yaxın izləyicisi, “Çelsi”nin üzvü Koul Palmeri 4 top qabaqlayır.