Pleyeri seçin:
Əlimizdən gələni edəcəyik | "Sabah"ın yeni transferindən azarkeşlərə çağırış
“Burada olmaqdan xoşbəxtəm. Mənim üçün yeni çağırışdır. Yeni liqa, yeni oyunçular. Əsas hədəfim bu komanda ilə uğur qazanmaqdır".
Bu sözləri “Sabah”ın yeni transferi Pavol Şafranko klubun saytına açıqlamasında deyib.
Paytaxt təmsilçisinə keçidindən danışan slovakiyalı hücumçu çox qol vurmaq istədiyini bildirib:
"Düzünü desəm, mümkün qədər çox qol vuraraq komandama faydalı olmaq istəyirəm. Yeni komandamda mümkün olduğu qədər yüksək yerlərdə olmaq istəyirəm”.
P.Şafranko futbola gəlişindən və bəyəndiyi oyunçudan söz açıb: “Peşəkar futbolçu olmağımda qardaşımın böyük rolu var. Məşhurlardan güclü xarakteri və çalışqanlığı ilə ən çox bəyəndiyim oyunçu Kriştiano Ronaldodur”.
Forvard azarkeşlərə də müraciət edib: “Azarkeşlərimizə demək istərdim ki, stadiona gəlsinlər və dəstək olsunlar. Mən və komanda yoldaşlarım yaxşı nəticələr üçün əlimizdən gələni edəcəyik”. Xatırladaq ki, "Sabah" Pavol Şafranko ilə 2 illik müqavilə bağlayıb.
Kopyalandı
