Ərdoğan Türkiyə millisini və Arda Güləri təbrik etdi

Türkiyə Prezidenti Rəcəb Tayyip Ərdoğan ölkənin millisini AVRO-2024-ün seçmə mərhələsindəki növbəti qələbə münasibətilə təbrik edib.

Komandanın kapitanı Hakan Çalhanoğluna zəng edən dövlət başçısı matçı sona qədər izlədiyini bildirib. R.T.Ərdoğan daha sonra Uelslə görüşdə baxımlı qol vuran Arda Gülərlə də danışıb.

Qeyd edək ki, iyunun 19-u keçirilən Türkiyə-Uels matçı Umut Nayir və Arda Gülərin qolları sayəsində “ay-ulduzlular”ın 2-0 hesablı qələbəsi ilə bitib. Bu qələbədən sonra seçmə mərhələnin D qrupunda xallarının sayını 9-a çatdıran Türkiyə millisi ilk pillədəki mövqeyini qoruyub.